Հարի Քեյնը կերկարաձգի պայմանագիրը «Բավարիայի» հետ մինչև 2029 թվականի ամառ
Կարդալ
Սպորտ
Իտալիան նվաճել է Եվրոպայի առաջնությունը՝ 11 մետրանոցներով հաղթելով Անգլիային
«Ուեմբլիի» եզրափակչի հերոսը Դոնարումման էր
Aa
Իտալիայի հավաքականը դարձել է ֆուտբոլի Եվրոպայի չեմպիոն։ Լոնդոնի «Ուեմբլի» մարզադաշտում կայացած եզրափակչում իտալացիները 11 մետրանոց հարվածների շարքում 3:2 հաշվով հաղթել են Անգլիայի հավաքականին՝ հիմնական և լրացուցիչ ժամանակում 1:1 ոչ-ոքիից հետո։
Անգլիացիները հաշիվը բացել էին արդեն երկրորդ րոպեին Լյուկ Շոուի գոլով, սակայն երկրորդ խաղակեսում Լեոնարդո Բոնուչին հավասարեցրել է հաշիվը։ 11 մետրանոցների շարքում դարպասապահ Ջանլուիջի Դոնարումման ետ է մղել Ջեյդոն Սանչոյի և Բուկայո Սակայի հարվածները։
Իտալիայի համար սա Եվրոպայի չեմպիոնի երկրորդ տիտղոսն է. առաջինը նվաճվել էր 1968 թվականին։ Ռոբերտո Մանչինիի թիմն անպարտելի է անընդմեջ 34 խաղում։
Դոնարումման ճանաչվել է մրցաշարի լավագույն խաղացող։ Համավարակի պատճառով մեկ տարով հետաձգված մրցաշարն անցկացվել է Եվրոպայի 11 քաղաքում։
Թարմացվել է: 12 հուլիսի, 2021 թ., 01:58
