COP17-ն ավարտվել է «Երևանյան ուղու» ընդունմամբ
Կարդալ
Aa
Ռուսաստանի պատիժների կատարման դաշնային ծառայությունը հայտնել է ընդդիմադիր քաղաքական գործիչ Ալեքսեյ Նավալնու մահվան մասին Յամալո-Նենեցյան ինքնավար օկրուգի Խարպ ավանի ուղղիչ գաղութում։ Ծառայության տվյալներով՝ զբոսանքից հետո նա վատ է զգացել։
Նավալնին ընդհանուր առմամբ 19 տարվա ազատազրկում էր կրում մի քանի քրեական գործերով, որոնք նա և իր կողմնակիցները համարում էին քաղաքական դրդապատճառներով։ 2023 թվականի վերջին նրան տեղափոխել էին Բևեռային շրջանից այն կողմ գտնվող հատուկ ռեժիմի գաղութ։
Քաղաքական գործչի համախոհները հայտնել են, որ փաստաբաններից հաստատում չեն ստացել։ Նավալնու կինը՝ Յուլիա Նավալնայան, Մյունխենի անվտանգության համաժողովում ելույթ ունենալիս պատասխանատվությունը դրել է Վլադիմիր Պուտինի վրա։
ԱՄՆ-ի և մի շարք եվրոպական երկրների առաջնորդներ նրա մահվան պատասխանատվությունը դրել են Կրեմլի վրա։ Ռուսաստանի քաղաքներում մարդիկ ծաղիկներ են բերում քաղաքական բռնաճնշումների զոհերի հուշարձանների մոտ։
Թարմացվել է: 16 փետրվարի, 2024 թ., 15:47
