Վահագն Խաչատուրյանն ընտրվել է Հայաստանի նախագահ

Հայաստանի Ազգային ժողովը քվեարկության երկրորդ փուլում երկրի նախագահ է ընտրել Վահագն Խաչատուրյանին։ Նրա թեկնածությունն առաջադրել էր իշխող «Քաղաքացիական պայմանագիր» կուսակցությունը։

Խաչատուրյանի օգտին քվեարկել է 71 պատգամավոր։ Ընդդիմադիր խմբակցությունները քվեարկությանը չեն մասնակցել։

Վահագն Խաչատուրյանը 62 տարեկան է։ Նախկինում նա զբաղեցրել է բարձր տեխնոլոգիական արդյունաբերության նախարարի պաշտոնը, իսկ 1992–1996 թվականներին եղել է Երևանի քաղաքապետ։

Նոր նախագահը կփոխարինի հունվարին հրաժարական տված Արմեն Սարգսյանին։ Նախագահի լիազորությունների ժամկետը յոթ տարի է։