Պրիգոժինի խռովությունը. «Վագների» շարասյունը ետ է դարձել Մոսկվայից 200 կմ հեռավորության վրա

«Վագներ» խմբի ղեկավար Եվգենի Պրիգոժինը հայտարարել է, որ իր շարասյուները ետ են դառնում և վերադառնում դաշտային ճամբարներ։ Ավելի վաղ «Վագների» մարտիկները վերահսկողության տակ էին վերցրել Դոնի Ռոստովի ռազմական օբյեկտները և շարժվել դեպի Մոսկվա։

Բելառուսի նախագահի մամուլի ծառայության տվյալներով՝ նահանջը Ալեքսանդր Լուկաշենկոյի և Պրիգոժինի միջև Վլադիմիր Պուտինի հետ համաձայնեցված բանակցությունների արդյունք է։

Առավոտյան Պուտինը հեռուստաուղերձում Պրիգոժինի գործողություններն անվանել էր «զինված խռովություն» և «դավաճանական հարված թիկունքից»։ Մոսկվայում և մարզում ներմուծվել էր հակաահաբեկչական գործողության ռեժիմ։

Կրեմլը հայտնել է, որ Պրիգոժինի դեմ քրեական գործը կկարճվի, իսկ ինքը կմեկնի Բելառուս։ Խռովությանը չմասնակցած մարտիկները կկարողանան պայմանագիր կնքել պաշտպանության նախարարության հետ։