Ալեքսանդրա Գրիգորյանը Հայաստանին բերել է ծանրամարտի աշխարհի առաջնության առաջին մեդալը

Հայ ծանրորդուհի Ալեքսանդրա Գրիգորյանը Չինաստանում ընթացող աշխարհի առաջնությունում նվաճել է բրոնզե մեդալ 57 կգ քաշային կարգում։ Սա Հայաստանի հավաքականի առաջին մեդալն է մրցաշարում։

Պոկում վարժությունում Գրիգորյանն առաջին փորձից բարձրացրել է 85 կգ, սակայն երկու անգամ չի հաղթահարել 90 կգ-ը։

Հրում վարժությունում նա հաջորդաբար բարձրացրել է 114 և 120 կգ, ինչը նրան բերել է այդ վարժության փոքր բրոնզե մեդալը։

Երկամարտում՝ 205 կգ արդյունքով, հայ մարզուհին զբաղեցրել է չորրորդ տեղը։