ՀԱՄԱՍ-ի լայնածավալ հարձակումը Իսրայելի վրա. հարյուրավոր զոհեր

Պաղեստինյան ՀԱՄԱՍ շարժման զինյալները Գազայի հատվածից հարձակվել են Իսրայելի վրա։ Զանգվածային հրթիռակոծության քողի տակ նրանք ներթափանցել են երկրի հարավում գտնվող մի շարք բնակավայրեր և ռազմաբազաներ։

Իսրայելի իշխանությունների տվյալներով՝ զոհվել են հարյուրավոր մարդիկ, վիրավորվել են հազարավորները։ Զինյալները պատանդներ են տարել Գազա, այդ թվում՝ կանայք, երեխաներ և տարեցներ։

Վարչապետ Բենիամին Նեթանյահուն հայտարարել է, որ Իսրայելը պատերազմի մեջ է։ Իսրայելական ավիացիան հարվածներ է հասցրել Գազայի հատվածի օբյեկտներին։

ՄԱԿ-ի Անվտանգության խորհուրդը արտահերթ խորհրդակցություններ կանցկացնի։ Մի շարք միջազգային ավիաընկերություններ չեղարկել են դեպի Թել Ավիվ չվերթերը։