Հայաստանի հարկային մուտքերը տասը ամսում աճել են 14,5%-ով
Կարդալ
Տնտեսություն
Ոսկին պատմության մեջ առաջին անգամ թանկացել է 4000 դոլարից ավելի մեկ ունցիայի դիմաց
Տարեսկզբից թանկարժեք մետաղը թանկացել է ավելի քան 50 տոկոսով
Aa
Համաշխարհային շուկաներում ոսկու գինը առաջին անգամ գերազանցել է մեկ տրոյական ունցիայի դիմաց 4000 դոլարը։ Տարեսկզբից թանկարժեք մետաղը թանկացել է ավելի քան 50 տոկոսով։
Վերլուծաբանները աճը կապում են առևտրային հակամարտությունների, աշխարհաքաղաքական լարվածության և ԱՄՆ Դաշնային պահուստային համակարգի կողմից տոկոսադրույքների նվազեցման սպասումների ֆոնին պաշտպանական ակտիվների պահանջարկի հետ։ Ոսկի ակտիվորեն գնում են նաև կենտրոնական բանկերը։
Լրացուցիչ գործոն է դարձել ԱՄՆ կառավարության աշխատանքի մասնակի դադարեցումը, որի պատճառով հետաձգվում է կարևոր տնտեսական վիճակագրության հրապարակումը։
Ոսկու գների աճն զգացվում է նաև Հայաստանում. թանկացել են ոսկերչական իրերը, իսկ ոսկին նկատելի տեղ է զբաղեցնում հայկական արտահանման կառուցվածքում։
Թարմացվել է: 8 հոկտեմբերի, 2025 թ., 16:08