Մեծ Բրիտանիան աշխարհում առաջինն է սկսել Pfizer-ով զանգվածային պատվաստումը

Առաջին պատվաստումը ստացել է 90-ամյա Մարգարեթ Քինանը

8 դեկտեմբերի, 2020 թ., 13:0013 731

Մեծ Բրիտանիան աշխարհում առաջինն է սկսել Pfizer-ով զանգվածային պատվաստումը — Լուսանկարը: U.S. Secretary of Defense / Wikimedia Commons, Public domain

Մեծ Բրիտանիայում մեկնարկել է կորոնավիրուսի դեմ զանգվածային պատվաստումը Pfizer և BioNTech ընկերությունների պատվաստանյութով։ Սա առաջին երկիրն է, որտեղ կլինիկական փորձարկումների ամբողջական տվյալներով պատվաստանյութը կիրառվում է հետազոտություններից դուրս։

Առաջին պատվաստումը ստացել է 90-ամյա Մարգարեթ Քինանը Քովենթրիի հիվանդանոցում։ Նրանից հետո պատվաստվել է 81-ամյա Ուիլյամ Շեքսպիրը, ինչը սոցցանցերում կատակների ալիք է առաջացրել։

Առաջին հերթին պատվաստվում են 80-ն անց անձինք, ծերանոցների աշխատակիցները և բուժաշխատողները։ Լիարժեք պաշտպանության համար անհրաժեշտ է երկու դեղաչափ՝ երեք շաբաթ ընդմիջումով։

Պատվաստանյութը պահվում է մոտ մինուս 70 աստիճան ջերմաստիճանում, ինչը բարդացնում է լոգիստիկան։ ԱՄՆ-ում և Եվրամիությունում դրա հաստատման վերաբերյալ որոշումներն սպասվում են առաջիկա շաբաթներին։

Թարմացվել է: 8 դեկտեմբերի, 2020 թ., 13:34