ՈՒԶՈՒ-ն մտել է Կուրսկի մարզ, Պուտինն այն անվանել է «խոշոր սադրանք»

Ուկրաինական ստորաբաժանումները երկրորդ օրն է՝ մարտական գործողություններ են վարում Ռուսաստանի Կուրսկի մարզի տարածքում։ ՌԴ պաշտպանության նախարարությունը հայտնում է Սուջայի շրջանում գրոհները հետ մղելու մասին։

Կուրսկի մարզի նահանգապետ Ալեքսեյ Սմիռնովը մարզում արտակարգ իրավիճակի ռեժիմ է հայտարարել։ Սահմանամերձ շրջաններից տարհանվել են հազարավոր բնակիչներ։

Նախագահ Վլադիմիր Պուտինը կատարվողն անվանել է «հերթական լայնածավալ սադրանք»։ Սա Երկրորդ համաշխարհային պատերազմից ի վեր Ռուսաստանի տարածքում օտարերկրյա զորքերի ամենախոշոր գործողությունն է։

Ուկրաինայի իշխանությունները գործողության ընթացքը պաշտոնապես գրեթե չեն մեկնաբանում։