Մալխաս Ամոյանը հինգերորդ անգամ դարձել է Եվրոպայի չեմպիոն

Աշխարհի կրկնակի չեմպիոն Մալխաս Ամոյանը հաղթել է Տիրանայում կայացած հունահռոմեական ըմբշամարտի Եվրոպայի առաջնությունում։ 77 կգ քաշային կարգի եզրափակչում նա հաղթել է վրացի ըմբիշ Ռամազ Զոիձեին։

Եզրափակչի ճանապարհին Ամոյանը հաղթել է շվեդ Կառլ Բաֆինին (4:0), ուկրաինացի Իրֆան Միրզոևին (10:0) և մոլդովացի Ալեքսանդրին Գուցուին։

Ամոյանի համար սա Եվրոպայի չեմպիոնի հինգերորդ տիտղոսն է։ Փարիզ-2024-ում նա դարձել էր օլիմպիական խաղերի արծաթե մեդալակիր։

67 կգ քաշային կարգում բրոնզե մեդալ է նվաճել Կարեն Ասլանյանը՝ վաղաժամ հաղթելով լեհ Մայրբեկ Սալիմովին 11:0 հաշվով։