Հայաստանի հարկային մուտքերը տասը ամսում աճել են 14,5%-ով
Կարդալ
Տնտեսություն
Ռուսաստանի ԿԲ-ն արտահերթ բարձրացրել է տոկոսադրույքը մինչև 12%՝ ռուբլու անկումից հետո
Նախորդ օրը փոխարժեքը գերազանցել էր 100 ռուբլին մեկ դոլարի դիմաց
Aa
Ռուսաստանի բանկն արտահերթ նիստում հիմնական տոկոսադրույքը միանգամից 3,5 տոկոսային կետով բարձրացրել է՝ մինչև տարեկան 12 տոկոս։ Որոշումն ընդունվել է այն բանից հետո, երբ օգոստոսի 14-ին դոլարի փոխարժեքը 2022 թվականի մարտից ի վեր առաջին անգամ գերազանցեց 100 ռուբլին։
Կարգավորողը բարձրացումը բացատրել է գնաճային ճնշման աճով և գները կայունացնելու անհրաժեշտությամբ։ Ավելի վաղ նախագահի խորհրդական Մաքսիմ Օրեշկինը ԿԲ-ին մեղադրել էր «մեղմ դրամավարկային քաղաքականություն» վարելու մեջ։
Որոշումից հետո ռուբլին փոքր-ինչ ամրապնդվել է, սակայն վերլուծաբանները կարծում են, որ թուլացման հիմնական պատճառը արտահանման հասույթի կրճատումն ու ներմուծման աճն է։
Ռուբլու թուլացումն ազդում է նաև հարևան երկրների վրա։ Հայաստանում ռուբլու փոխարժեքը դրամի նկատմամբ իջել է բազմամյա նվազագույնի, ինչը նվազեցնում է Ռուսաստանից դրամական փոխանցումների արժեքը։
Թարմացվել է: 15 օգոստոսի, 2023 թ., 11:08