Կարեն Ասլանյանը դարձել է հունահռոմեական ըմբշամարտի աշխարհի չեմպիոն

Հայ ըմբիշ Կարեն Ասլանյանը Աստանայում կայացող հունահռոմեական ըմբշամարտի աշխարհի առաջնությունում նվաճել է ոսկե մեդալ 63 կգ քաշային կարգում։

Հոկտեմբերի 27-ի եզրափակչում Ասլանյանը 8:4 հաշվով հաղթել է Ադրբեջանի ներկայացուցիչ Նիհաթ Զահիդ Մամեդլիին։ Կիսաեզրափակչում նա 12:4 հաշվով առավել ուժեղ է գտնվել բուլղարացի Էդմոնդ Նազարյանից։

Եզրափակիչ գոտեմարտից հետո ըմբիշը հայկական դրոշով տոնել է հաղթանակը մարզչական շտաբի հետ միասին։

Ասլանյանը նախկինում երեք անգամ դարձել էր Եվրոպայի առաջնությունների բրոնզե մեդալակիր։ Աստանայի աշխարհի առաջնությունը կտևի մինչև նոյեմբերի 1-ը։