Հայաստանը Պոդգորիցայում ոչ-ոքի է խաղացել Չեռնոգորիայի հետ

Հայաստանի հավաքականը Պոդգորիցայում ՈւԵՖԱ-ի Ազգերի լիգայի C2 խմբի հանդիպումում 0:0 հաշվով ոչ-ոքի է խաղացել Չեռնոգորիայի հետ։

Սա թիմերի երկրորդ հանդիպումն էր ընթացիկ խաղարկությունում. սեպտեմբերին չեռնոգորացիները Երևանում 3:2 հաշվով հաղթել էին հայկական հավաքականին։

Թիմերից ոչ մեկին չի հաջողվել գրավել մրցակցի դարպասը, և հայերը Պոդգորիցայից մեկ միավոր են տարել։

Հաջորդ հանդիպումը Հայաստանի հավաքականը կանցկացնի նոյեմբերի 12-ին տանը՝ Կիպրոսի դեմ։