Փաշինյանի «Քաղաքացիական պայմանագիրը» վստահորեն առաջատար է ընտրություններում

Կենտրոնական ընտրական հանձնաժողովի նախնական տվյալներով՝ Հայաստանում արտահերթ խորհրդարանական ընտրություններում վարչապետի պաշտոնակատար Նիկոլ Փաշինյանի «Քաղաքացիական պայմանագիր» կուսակցությունը ստացել է ձայների 53,9 տոկոսը։

Երկրորդ տեղում է երկրի երկրորդ նախագահ Ռոբերտ Քոչարյանի գլխավորած «Հայաստան» դաշինքը՝ 21 տոկոս։ Խորհրդարանում երրորդ ուժը կլինի 5,2 տոկոս ստացած «Պատիվ ունեմ» դաշինքը։ Մյուս մասնակիցները խորհրդարան չեն անցնում։

Մասնակցությունը կազմել է մոտ 49 տոկոս։ ԵԱՀԿ/ԺՀՄԻԳ դիտորդական առաքելությունը հայտարարել է, որ ընտրությունները մրցակցային էին և ընդհանուր առմամբ լավ կազմակերպված, սակայն նշել է խիստ բևեռացումն ու ագրեսիվ հռետորաբանությունը։

Փաշինյանը հայտարարել է հաղթանակի մասին։ Քոչարյանի դաշինքը հայտարարել է, որ չի ընդունում արդյունքները և կդիմի Սահմանադրական դատարան։