Մարտեր Հայաստանի արևելքում. կան զոհեր և գերիներ

Հայ-ադրբեջանական սահմանին տեղի են ունեցել 2020 թվականի պատերազմից հետո ամենալուրջ բախումները։ ՀՀ պաշտպանության նախարարությունը հայտնել է զոհերի մասին, ինչպես նաև այն, որ զինծառայողների մի մասը գերի է ընկել։

Անվտանգության խորհրդի քարտուղար Արմեն Գրիգորյանը հայտարարել է, որ Հայաստանը 1997 թվականի բարեկամության, համագործակցության և փոխօգնության մասին պայմանագրի համաձայն դիմել է Ռուսաստանին՝ տարածքային ամբողջականության պաշտպանության խնդրանքով։

Երեկոյան Ռուսաստանի պաշտպանության նախարար Սերգեյ Շոյգուի միջնորդությամբ կողմերը պայմանավորվել են կրակի դադարեցման մասին։

Բաքվում պնդում են, որ բախումները հրահրել է հայկական կողմը։ Երևանը մերժում է այդ մեղադրանքները։