Իրանի նոր գերագույն առաջնորդ է ընտրվել Մոջթաբա Խամենեին

Իրանի Փորձագետների խորհուրդը երկրի նոր գերագույն առաջնորդ է ընտրել Մոջթաբա Խամենեիին՝ մարտի սկզբին ամերիկա-իսրայելական հարվածների հետևանքով զոհված այաթոլլա Ալի Խամենեիի որդուն։

Պետական հեռուստատեսությամբ ընթերցված հայտարարության մեջ ասվում է, որ խորհուրդը չի դադարեցրել աշխատանքը՝ չնայած պատերազմական պայմաններին և իր քարտուղարության գրասենյակների վրա հարվածներին։

Մոջթաբա Խամենեին 56 տարեկան է։ Նա ծնվել է 1969 թվականին Մաշհադում և հանգուցյալ այաթոլլայի վեց երեխաներից երկրորդն է։ Պատանի հասակում նա մասնակցել է իրանա-իրաքյան պատերազմին։

Նախորդ առաջնորդի որդու ընտրությունն աննախադեպ է Իսլամական Հանրապետության համար։ Վերլուծաբանները ակնկալում են, որ նոր առաջնորդը կշարունակի կոշտ գիծը ԱՄՆ-ի և Իսրայելի նկատմամբ։