Վերաքննիչ դատարանը Քոչարյանին թողել է կալանքի տակ

Հայաստանի Վերաքննիչ դատարանը մերժել է երկրորդ նախագահ Ռոբերտ Քոչարյանին կալանավորելու որոշման դեմ բերված բողոքը, հայտնել է նրա փաստաբան Արամ Օրբելյանը։

Օրբելյանի խոսքով՝ դատարանը մերժել է բողոքը՝ ըստ էության չքննելով դրա հիմնավորումները և սահմանափակվելով «ընդհանուր, ձևական ձևակերպումներով»։

Քոչարյանը կալանքի տակ է օգոստոսից։ Նրան մեղադրում են պաշտոնեական լիազորությունների չարաշահման, առանձնապես խոշոր չափերով հանցավոր եկամուտների օրինականացման և առանձնապես խոշոր չափերով կաշառք ստանալու մեջ։

Նախկին նախագահի կողմնակիցները գործը համարում են քաղաքական դրդապատճառներով։