Շանթ Սարգսյանը հաղթել է Մագնուս Կարլսենին արագ շախմատի թիմային աշխարհի առաջնությունում

Հայ գրոսմայստեր Շանթ Սարգսյանը Հոնկոնգում ընթացող ՖԻԴԵ արագ շախմատի թիմային աշխարհի առաջնության յոթերորդ տուրում հաղթել է աշխարհի առաջին համարի շախմատիստ Մագնուս Կարլսենին։

Հունիսի 16-ին մեկնարկած մրցաշարը համախմբել է ավելի քան 40 թիմ և 300-ից ավելի շախմատիստ՝ էլիտար գրոսմայստերներ, ուժեղագույն շախմատիստուհիներ, երիտասարդ տաղանդներ և սիրողներ։

Կարլսենի նկատմամբ հաղթանակը դարձել է մրցաշարի ամենաքննարկվող արդյունքներից մեկը։ Պարտիան հասանելի է պաշտոնական հեռարձակման հարթակում։

Շանթ Սարգսյանը հայ շախմատիստների երիտասարդ սերնդի առաջատարներից է։