Նավալնին ձերբակալվել է օդանավակայանում՝ Ռուսաստան վերադառնալուց անմիջապես հետո

Ալեքսեյ Նավալնին ձերբակալվել է Մոսկվայի «Շերեմետևո» օդանավակայանի անձնագրային հսկողության կետում։ Քաղաքական գործիչը Ռուսաստան էր վերադարձել Բեռլինից, որտեղ բուժում էր անցնում 2020 թվականի օգոստոսին տեղի ունեցած թունավորումից հետո։

Օդանավը, որով թռչում էր Նավալնին, վերջին պահին վերաուղղորդել են «Վնուկովոյից», որտեղ նրան սպասում էին լրագրողներն ու աջակիցները։ Այնտեղ ոստիկանությունը բերման է ենթարկել մի քանի տասնյակ մարդու։

ՖՍԻՆ-ը քաղաքական գործչի նկատմամբ հետախուզում էր հայտարարել «Իվ Ռոշեի» գործով փորձաշրջանի պայմանները խախտելու համար։ Մոտ ժամանակներս դատարանը պետք է որոշի խափանման միջոցի հարցը։

Եվրամիությունը, ԱՄՆ-ը և մի շարք եվրոպական երկրներ պահանջել են անհապաղ ազատ արձակել Նավալնուն։