Հարի Քեյնը կերկարաձգի պայմանագիրը «Բավարիայի» հետ մինչև 2029 թվականի ամառ
Կարդալ
Սպորտ
Տոկիոյի օլիմպիական խաղերը հետաձգվել են մինչև 2021 թվական
Պատմության մեջ առաջին անգամ Խաղերը հետաձգվում են ոչ պատերազմի պատճառով
Aa
Միջազգային օլիմպիական կոմիտեն և ճապոնացի կազմակերպիչները պայմանավորվել են կորոնավիրուսի համավարակի պատճառով Տոկիոյի ամառային օլիմպիական խաղերը տեղափոխել 2021 թվական։ Որոշումն ընդունվել է ՄՕԿ նախագահ Թոմաս Բախի և Ճապոնիայի վարչապետ Սինձո Աբեի հեռախոսազրույցից հետո։
Խաղերը պետք է անցկացվեին 2020 թվականի հուլիսի 24-ից օգոստոսի 9-ը։ Դրանք կպահպանեն «Տոկիո-2020» անվանումը, իսկ օլիմպիական կրակը կմնա Ճապոնիայում։
Ավելի վաղ Կանադան և Ավստրալիան հայտարարել էին, որ ամռանը մարզիկներ չեն ուղարկի Խաղերին։ Մեկ շաբաթ առաջ ՈւԵՖԱ-ն ֆուտբոլի Եվրոպայի առաջնությունը տեղափոխել էր 2021 թվական։
Օլիմպիական ուղեգրեր արդեն նվաճած մարզիկները, այդ թվում՝ հայաստանցիները, կպահպանեն դրանք, հավաստիացրել են ՄՕԿ-ում։
Թարմացվել է: 24 մարտի, 2020 թ., 19:22
