Իրանի պետական ԶԼՄ-ները հաստատել են այաթոլլա Ալի Խամենեիի մահը

Իրանի գերագույն առաջնորդ այաթոլլա Ալի Խամենեին զոհվել է իր գրասենյակում ամերիկա-իսրայելական ավիահարվածների հետևանքով։ Այդ մասին հայտնել է Իրանի պետական հեռուստատեսությունը։ Երկրում 40-օրյա սուգ է հայտարարվել։

Իսլամական հեղափոխության պահապանների կորպուսը ի պատասխան սպառնացել է «ջախջախիչ հարձակմամբ»՝ հայտարարելով, որ կհարվածի ամերիկյան բազաներին և Իսրայելին։

Իրանի Սահմանադրության համաձայն՝ գերագույն առաջնորդի իրավահաջորդին պետք է ընտրի Փորձագետների խորհուրդը։ Մինչ այդ նրա լիազորությունները ժամանակավորապես իրականացնում են նախագահը, դատական իշխանության ղեկավարը և Սահմանադրության պահապանների խորհրդի անդամներից մեկը։

Իրանին սահմանակից Հայաստանն ուշադիր հետևում է իրադարձությունների զարգացմանը։