Ճապոնական զոնդը մեկնել է Մարսի արբանյակ Ֆոբոս՝ գրունտի նմուշների համար

Ճապոնիայի ավիատիեզերական հետազոտությունների գործակալությունը՝ JAXA-ն, մեկնարկել է MMX (Martian Moons eXploration) առաքելությունը դեպի Մարսի Ֆոբոս արբանյակ։ Սարքը պետք է հավաքի գրունտի նմուշներ և դրանք հասցնի Երկիր։

Հաջողության դեպքում դա պատմության մեջ առաջին անգամ կլինի, երբ Մարսից կամ նրա արբանյակներից նմուշներ կբերվեն երկրային լաբորատորիաներում ուսումնասիրության համար։

Զոնդի ժամանումը Ֆոբոս նախատեսված է 2027 թվականի օգոստոսին։ Գիտնականները հույս ունեն, որ առաքելությունը կօգնի հասկանալ, թե ինչպես են ձևավորվել Մարսի արբանյակները։

Արեգակնային համակարգի ներքին մասում կա ընդամենը երեք բնական արբանյակ՝ Լուսինը և Մարսի երկու արբանյակները՝ մոտ 20 կմ տրամագծով Ֆոբոսը և մոտ 10 կմ տրամագծով Դեյմոսը։