Կիբեռհարձակումն անջատել է Բելգիայի, Շվեդիայի և Լյուքսեմբուրգի սուպերմարկետների սառնարանները

Բելգիայում, Լյուքսեմբուրգում և Շվեդիայում տասնյակ սուպերմարկետներ տուժել են սառնարանային սարքավորումների համակարգերի վրա ենթադրյալ կիբեռհարձակումից, հաղորդում է BBC-ն։

Հարձակումը վերաբերել է Բելգիայում և Լյուքսեմբուրգում Delhaize ցանցի մոտ 40 խանութի, ինչպես նաև Շվեդիայում ICA և Coop ցանցերի մի քանի խանութների։ Իռլանդիայում տուժել են SuperValu ցանցի 13 խանութներ։

Տեղական ԶԼՄ-ների տվյալներով՝ միլիոնավոր եվրոյի մթերք է ստիպված եղել դեն նետել։ ICA-ի խանութներից մեկում հարձակվողները սառցարանների ջերմաստիճանը սահմանել էին գումարած 50 աստիճան։

Թե ով է կանգնած հարձակման հետևում, հայտնի չէ։ Անցյալ ամիս նմանատիպ միջադեպ էր տեղի ունեցել Ֆրանսիայի հարյուրավոր սուպերմարկետներում։