Կիբեռհարձակումը շարքից հանել է եվրոպական 4 երկրների սուպերմարկետների սառնարանները
Կարդալ
Պատահարներ
Ջրհեղեղ Հայաստանի հյուսիսում. զոհեր, ավերված կամուրջներ և ճանապարհներ
Վարարած Դեբեդը Լոռիում և Տավուշում կտրել է մի շարք բնակավայրեր
Aa
Մայիսի 26-ի գիշերը տեղատարափ անձրևների հետևանքով Լոռու մարզում ափերից դուրս է եկել Դեբեդ գետը։ Տուժել են նաև Տավուշի մարզի բնակավայրեր։ Իշխանությունների տվյալներով՝ մի քանի մարդ է զոհվել։
Ամենալուրջ ավերածությունները Ալավերդիում, Շնողում և Ախթալայում են։ Վնասվել են բնակելի տներ, լվացվել են ճանապարհահատվածներ, ավերվել են մի քանի կամուրջներ։ Բագրատաշենով դեպի Վրաստան մայրուղով երթևեկությունը ժամանակավորապես փակվել է, դադարեցվել է երկաթուղային հաղորդակցությունը։
Փրկարարները տարհանել են բնակիչներին հեղեղված տարածքներից։ Կառավարությունը հետևանքների վերացման շտաբ է ստեղծել, տեղում է եղել վարչապետ Նիկոլ Փաշինյանը։
Տուժած ընտանիքներին փոխհատուցում է խոստացվել։ Տարածքային կառավարման նախարարության գնահատմամբ՝ ճանապարհային ենթակառուցվածքների վերականգնումը կտևի մի քանի ամիս։
Թարմացվել է: 27 մայիսի, 2024 թ., 14:15
