Իսպանիայում արագընթաց գնացքների բախում. առնվազն 64 զոհ

Սա 2013 թվականից ի վեր երկրում ամենախոշոր երկաթուղային աղետն է

28 հոկտեմբերի, 2026 թ., 17:305642

Իսպանիայում արագընթաց գնացքների բախում. առնվազն 64 զոհ — Լուսանկարը: Alan Grant / Wikimedia Commons, CC BY 4.0

Մադրիդից հարավ՝ Տոլեդոյի նահանգում, երկու արագընթաց գնացքների բախման հետևանքով զոհվել է առնվազն 64 մարդ։ Տասնյակ տուժածներ գտնվում են ծանր վիճակում։

Տարածաշրջանային կառավարության տվյալներով՝ գնացքներում ավելի քան 500 ուղևոր էր։ Ենթակառուցվածքի օպերատոր Adif-ը հայտնել է, որ բախվել են Renfe և Iryo ընկերությունների գնացքները Մադրիդ–Սևիլյա ուղղությամբ։

Սա Իսպանիայում ամենածանր երկաթուղային աղետն է 2013 թվականից ի վեր, երբ Սանտյագո դե Կոմպոստելայի մոտ զոհվել էր 80 մարդ։ Վարչապետ Պեդրո Սանչեսը հայտարարել է, որ ցնցված է կատարվածից։

Երկրում եռօրյա սուգ է հայտարարվել։ ՀՀ վարչապետ Նիկոլ Փաշինյանը ցավակցություն է հայտնել իսպանացի ժողովրդին։

Թարմացվել է: 28 հոկտեմբերի, 2026 թ., 17:44