Լամինատե դռներում թաքցված գրեթե 38 հազար տուփ ծխախոտ էին փորձում արտահանել ԱՄՆ

ՀՀ պետական եկամուտների կոմիտեն կանխել է լամինատե դռների մեջ թաքցված 37 900 տուփ ծխախոտ ԱՄՆ մաքսանենգորեն տեղափոխելու փորձը։

Կոմիտեի տվյալներով՝ մաքսանենգության դեմ պայքարի վարչությունը տեղեկություն էր ստացել, որ Հայաստանում գրանցված ընկերությունը պատրաստվում է բեռնային տերմինալով արտահանել ծխախոտային արտադրանքի խոշոր խմբաքանակ՝ թաքցնելով այն մաքսային հսկողությունից։

Զննության ժամանակ աշխատակիցները նկատել են, որ յուրաքանչյուր դուռ կշռում է ստանդարտից երկու անգամ ավելի։ Բոլոր դռները ապամոնտաժելուց հետո ներսում հայտնաբերվել են տարբեր մակնիշների ծխախոտներ։

Փաստի առթիվ քրեական վարույթ է նախաձեռնվել։