Հայաստանը բուժման կընդունի Գազայից ծանր հիվանդ երեխաների

Հայաստանի կառավարությունը որոշել է կազմակերպել Գազայի հատվածից ծանր հիվանդություններ ունեցող երեխաների տեղափոխումը և ապահովել նրանց բուժումը հայկական բժշկական հաստատություններում։

Այդ նպատակով առողջապահության նախարարությանը կառավարության պահուստային ֆոնդից հատկացվել է 16,7 միլիոն դրամ (մոտ 43 հազար դոլար)։

Նախարարությունը ԱԳՆ-ի և Առողջապահության համաշխարհային կազմակերպության հետ աշխատում է մինչև տասը երեխայի Հայաստան տեղափոխելու ուղղությամբ։

Հայաստանը նախկինում բազմիցս մարդասիրական օգնություն է ուղարկել Գազա։