Հայ աշակերտները Մաթեմատիկայի միջազգային օլիմպիադայում նվաճել են հինգ մեդալ

Հայաստանի թիմը Շանհայում կայացած Մաթեմատիկայի 67-րդ միջազգային օլիմպիադայում նվաճել է մեկ արծաթե և չորս բրոնզե մեդալ, ինչպես նաև պատվոգիր։ Մրցույթին մասնակցել են 120 երկրի 666 աշակերտ։

Արծաթե մեդալ է ստացել Քվանտ վարժարանի 10-րդ դասարանի աշակերտ Հայկ Մանուկյանը։ Բրոնզե մեդալակիրներ են դարձել Քվանտ վարժարանից Տիգրան Հախեյանը և Արեն Գրիգորյանը, ինչպես նաև Շահինյանի անվան ֆիզիկամաթեմատիկական դպրոցից Սարգիս Առաքելյանը և Արսեն Մակարյանը։

Օլիմպիադան անցկացվել է երկու փուլով, որոնցից յուրաքանչյուրում մասնակիցները լուծել են երեքական խնդիր։

Այս ամառ հայ աշակերտները մեդալներ են նվաճել նաև քիմիայի, ինֆորմատիկայի և արհեստական բանականության օլիմպիադաներում։