NASA-ն հրապարակել է «Ջեյմս Ուեբ» աստղադիտակի առաջին գունավոր լուսանկարները

Պատկերներում են Կարինայի միգամածությունը, Ստեֆանի հնգյակը և հեռավոր գալակտիկաներ

12 հուլիսի, 2022 թ., 19:308988

NASA-ն հրապարակել է «Ջեյմս Ուեբ» աստղադիտակի առաջին գունավոր լուսանկարները — Լուսանկարը: NASA's James Webb Space Telescope from Greenbelt, MD, USA / Wikimedia Commons, CC BY 2.0

NASA-ն ներկայացրել է «Ջեյմս Ուեբ» տիեզերական աստղադիտակի առաջին լիագույն գիտական պատկերները։ Նախորդ օրը ԱՄՆ նախագահ Ջո Բայդենը ցուցադրել էր առաջին պատկերը՝ SMACS 0723 գալակտիկաների կուտակման խորը դաշտը։

Հրապարակված լուսանկարներում են Կարինայի միգամածության «տիեզերական ժայռերը», Հարավային օղակ միգամածությունը, Ստեֆանի հնգյակ գալակտիկաների խումբը և WASP-96 b էկզոմոլորակի մթնոլորտի սպեկտրը, որում ջրի հետքեր են հայտնաբերվել։

Տեսանյութը՝ NASA

SMACS 0723-ի պատկերը մինչ օրս Տիեզերքի ամենախորը և մանրամասն ինֆրակարմիր պատկերն է։ Դրանում երևում են գալակտիկաներ, որոնց լույսը Երկիր է հասել ավելի քան 13 միլիարդ տարում։

Աստղադիտակը մեկնարկել էր 2021 թվականի դեկտեմբերին։ Գիտնականները հաշվարկում են, որ վառելիքը նրան կբավականացնի ավելի քան 20 տարվա աշխատանքի համար։

Թարմացվել է: 12 հուլիսի, 2022 թ., 19:50