Ամբողջությամբ Հայաստանում ստեղծված առաջին արբանյակը՝ Hayasat-1-ը, դուրս է բերվել ուղեծիր

SpaceX ընկերության Falcon 9 հրթիռը մեկնարկել է Կալիֆոռնիայի Վանդենբերգ բազայից և ուղեծիր է դուրս բերել ամբողջությամբ Հայաստանում ստեղծված առաջին արբանյակը՝ Hayasat-1-ը։ Արձակումը երկու օրով հետաձգվել էր։

CubeSat ձևաչափի նանոարբանյակը նախագծել և հավաքել են հայ ինժեներները։ Այն ուղեծիր է դուրս եկել ավելի քան երկու տասնյակ սարքերից բաղկացած խմբի կազմում։

Ավելի վաղ՝ 2022 թվականին, ուղեծիր էր դուրս բերվել ArmSat-1 արբանյակը, սակայն այն պատրաստվել էր արտասահմանում՝ Հայաստանի պատվերով։

Բարձր տեխնոլոգիական արդյունաբերության նախարարությունում արձակումն անվանել են երկրի տիեզերական ոլորտի զարգացման և սեփական կադրերի պատրաստման կարևոր քայլ։