Nvidia-ն դարձել է 5 տրլն դոլար կապիտալիզացիայով առաջին ընկերությունը

Nvidia-ի շուկայական կապիտալիզացիան առաջին անգամ գերազանցել է 5 տրիլիոն դոլարը։ Ընկերությունն աշխարհում առաջինն է հասել այդ նիշին։ Ընդամենը երեք ամիս առաջ այն առաջինն էր հաղթահարել 4 տրիլիոնի սահմանը։

Բաժնետոմսերի աճը կապված է արհեստական բանականության բումի հետ. Nvidia-ի գրաֆիկական պրոցեսորները նեյրոնային ցանցերի ուսուցման խոշոր տվյալների կենտրոնների մեծ մասի հիմքն են։

Նախորդ օրը ընկերության ղեկավար Ջենսեն Հուանգը հայտարարել էր Blackwell և հաջորդ սերնդի Rubin չիպերի համար հարյուրավոր միլիարդ դոլարների պատվերների մասին։

Վերլուծաբանների մի մասը զգուշացնում է ԱԲ շուկայի գերտաքացման նշանների մասին։ Սակայն խոշոր տեխնոլոգիական ընկերությունները շարունակում են մեծացնել ներդրումները հաշվողական հզորությունների մեջ։