Հայկական Fnet պրովայդերը Huawei-ի հետ կներդնի XGS-PON տեխնոլոգիան
Կարդալ
Տեխնոլոգիաներ
Չինական DeepSeek-ը տապալել է ամերիկյան տեխնոլոգիական հսկաների բաժնետոմսերը
Nvidia-ն մեկ օրում կորցրել է գրեթե 600 մլրդ դոլարի կապիտալիզացիա
Aa
ԱՄՆ խոշորագույն տեխնոլոգիական ընկերությունների բաժնետոմսերը կտրուկ էժանացել են այն բանից հետո, երբ չինական DeepSeek ստարտափը ներկայացրեց R1 արհեստական բանականության մոդելը, որը կարողություններով համեմատելի է լավագույն ամերիկյան մշակումների հետ։
Հատուկ ուշադրության են արժանացել ընկերության այն պնդումները, որ մոդելի ուսուցումը մի քանի անգամ ավելի էժան է նստել, քան մրցակիցներինը։ DeepSeek հավելվածը գլխավորել է ԱՄՆ App Store-ի անվճար հավելվածների վարկանիշը։
Nvidia-ի շուկայական կապիտալիզացիան մեկ առևտրային օրում կրճատվել է գրեթե 600 միլիարդ դոլարով, ինչը ԱՄՆ ֆոնդային շուկայի պատմության մեջ մեկ ընկերության ռեկորդային անկումն է։
Նախագահ Դոնալդ Թրամփը DeepSeek-ի հայտնվելն անվանել է «զարթուցիչ» ամերիկյան արդյունաբերության համար։ Փորձագետները նշում են, որ ներդրողները վերանայում են ԱԲ ենթակառուցվածքների ծախսերի վերաբերյալ սպասումները։
Թարմացվել է: 28 հունվարի, 2025 թ., 10:02
