Սյունիքում ձերբակալվել է Շաքիի բնակչուհուն վիրավորած ադրբեջանցի զինծառայողը

Սյունիքի մարզի Շաքի գյուղում ձերբակալվել է Ադրբեջանի զինված ուժերի զինծառայող, որը կրակոցով ոտքից վիրավորել էր տեղի բնակչուհուն։ Այդ մասին հայտնել է Հայաստանի Ազգային անվտանգության ծառայությունը։

ԱԱԾ տվյալներով՝ սեպտեմբերի 29-ին Ադրբեջանի Պետական անվտանգության ծառայությունը հայ գործընկերներին տեղեկացրել էր, որ զորամասերից մեկի զինծառայող անհայտ հանգամանքներում լքել է ծառայության վայրը և, հնարավոր է, ապօրինի հատել սահմանը։

Հոկտեմբերի 1-ին ժամը 14:15-ին 112 ծառայությունը ահազանգ է ստացել Շաքիում կրակոցների մասին։ Դեպքի վայր ժամանած օպերատիվ խմբերը ձերբակալել են կասկածյալին։

Տուժածը տեղափոխվել է հիվանդանոց և վիրահատվել, նրա կյանքին վտանգ չի սպառնում։ Քրեական վարույթ է նախաձեռնվել, ադրբեջանցի զինծառայողին մեղադրանք է առաջադրվել։