Հայկական Fnet պրովայդերը Huawei-ի հետ կներդնի XGS-PON տեխնոլոգիան
Կարդալ
Տեխնոլոգիաներ
«Լունա-25» կայանը բախվել է Լուսնի մակերևույթին
Վերջին 47 տարում Ռուսաստանի առաջին լուսնային առաքելությունն ավարտվել է անհաջողությամբ
Aa
«Լունա-25» ավտոմատ կայանը դադարել է գոյություն ունենալ Լուսնի մակերևույթին բախվելու հետևանքով։ Այդ մասին հայտնել է «Ռոսկոսմոս» պետական կորպորացիան։
Խափանումը տեղի է ունեցել օգոստոսի 19-ին՝ նախավայրէջքային ուղեծիր անցնելու մանևրի ժամանակ. շարժիչը աշխատել է ոչ ստանդարտ ռեժիմով, և սարքն անցել է չնախատեսված հետագծի։ Կապը նրա հետ կորել է։
«Լունա-25»-ը մեկնարկել էր օգոստոսի 11-ին «Վոստոչնի» տիեզերակայանից։ Սա 1976 թվականից ի վեր ռուսական առաջին լուսնային առաքելությունն էր, կայանը պետք է վայրէջք կատարեր Լուսնի հարավային բևեռի շրջանում։
Հետաքննության համար միջգերատեսչական հանձնաժողով է ստեղծվել։ Մի քանի օրից հարավային բևեռի շրջանում վայրէջք է նախատեսում հնդկական «Չանդրայան-3» սարքը։
Թարմացվել է: 20 օգոստոսի, 2023 թ., 15:05
