Picsart-ը դարձել է հայկական առաջին «միաեղջյուրը»

Հայտնի լուսանկարների և տեսանյութերի խմբագրիչի ստեղծող Picsart ընկերությունը C շարքի ֆինանսավորման փուլում ներգրավել է 130 միլիոն դոլար։ Ներդրումները գլխավորել է SoftBank Vision Fund 2 հիմնադրամը։ Ընկերության գնահատականը գերազանցել է 1 միլիարդ դոլարը։

Այսպիսով, Picsart-ը դարձել է «միաեղջյուրի» կարգավիճակ ստացած հայկական արմատներով առաջին ստարտափը։ Ընկերությունը հիմնադրվել է 2011 թվականին Հովհաննես Ավոյանի կողմից, նրա ամենամեծ մշակման գրասենյակը գտնվում է Երևանում։

Ընկերության տվյալներով՝ հավելվածի ամսական լսարանը գերազանցում է 150 միլիոն օգտատիրոջը 180 երկրում։ Միջոցները նախատեսվում է ուղղել արհեստական բանականության վրա հիմնված գործիքների զարգացմանը։

Հայաստանի կառավարությունում գործարքն անվանել են կարևոր ազդակ հայկական ՏՏ ոլորտը դիտարկող ներդրողների համար։