Հայաստանն ու Ադրբեջանը համաձայնեցրել են խաղաղության պայմանագրի տեքստը

Երևանը պատրաստ է խորհրդակցությունների՝ ստորագրման ամսաթվի և վայրի շուրջ

13 մարտի, 2025 թ., 21:007455

Հայաստանն ու Ադրբեջանը համաձայնեցրել են խաղաղության պայմանագրի տեքստը — Լուսանկարը: U.S. Department of State from United States / Wikimedia Commons, Public domain

ՀՀ արտաքին գործերի նախարարությունը հայտարարել է, որ Հայաստանի և Ադրբեջանի միջև խաղաղության հաստատման և միջպետական հարաբերությունների մասին համաձայնագրի տեքստի շուրջ բանակցություններն ավարտված են։ Հայաստանն ընդունել է Ադրբեջանի առաջարկները չհամաձայնեցված մնացած երկու հոդվածների վերաբերյալ։

«Խաղաղության համաձայնագիրը պատրաստ է ստորագրման։ Հայաստանը պատրաստ է Ադրբեջանի հետ խորհրդակցություններ սկսել ստորագրման ամսաթվի և վայրի շուրջ»,— ասված է ԱԳՆ հայտարարությունում։

Ադրբեջանի ԱԳ նախարար Ջեյհուն Բայրամովը հաստատել է բանակցությունների ավարտը։ Ընդ որում, Բաքուն պնդում է, որ ստորագրման նախապայմանը Հայաստանի Սահմանադրության փոփոխությունն է։

Համաձայնագիրը բաղկացած է 17 հոդվածից։ Դրա շուրջ բանակցությունները տևել են ավելի քան երկու տարի։

Թարմացվել է: 13 մարտի, 2025 թ., 21:17