Ֆրեզնոյում ավարտին է մոտենում Մոնթե Մելքոնյանի հուշարձանի տեղադրումը

Կալիֆոռնիայի Ֆրեզնո քաղաքում ավարտին է մոտենում Մոնթե Մելքոնյանի հուշարձանի կառուցումը։ Նախագիծն իրականացվում է 180 տեղացի բնակչի նվիրատվություններով, քաղաքն արդեն թույլտվություն է տվել արձանի տեղադրման համար։ Աշխատանքները նախատեսվում է ավարտել մեկ ամսվա ընթացքում։

Գաղափարը պատկանում է բժիշկ և հասարակական գործիչ Գարո Խաչիկյանին։ «Մեր երեխաները պետք է իմանան, թե ով էր նա, ինչպես էր ապրում և ինչի համար էր պայքարում»,— ասել է նա։

Գրանիտե արձանը կկանգնի Սողոմոն Թեհլիրյանի հուշարձանի կողքին։ Պատվանդանը կհիշեցնի ժայռ, իսկ հայերեն և անգլերեն մակագրությունները կպատմեն Մելքոնյանի կյանքի մասին։ Քանդակագործը Մաղաքիա Սիմոնյանն է։

Կալիֆոռնիայում ծնված Մոնթե Մելքոնյանը զոհվել է 1993 թվականի հունիսի 12-ին՝ 35 տարեկանում, ղարաբաղյան պատերազմի ժամանակ։ Բացման հանդիսավոր արարողության ամսաթիվը կհայտարարվի ավելի ուշ։