Հայաստանը պահպանել է 59-րդ տեղը Նորարարության համաշխարհային ինդեքսում

Հայաստանը 2026 թվականի Նորարարության համաշխարհային ինդեքսում 139 տնտեսությունների շարքում զբաղեցրել է 59-րդ տեղը՝ պահպանելով նախորդ տարվա դիրքը։ Զեկույցը հրապարակել է Մտավոր սեփականության համաշխարհային կազմակերպությունը։

Նորարարության ռեսուրսների ենթաինդեքսով երկիրը զբաղեցրել է 77-րդ տեղը, արդյունքների ենթաինդեքսով՝ 52-րդը։ Երկու ցուցանիշներն էլ բարելավվել են 2025 թվականի համեմատ։

Հայաստանը միջինից բարձր եկամուտ ունեցող 35 երկրների շարքում 10-րդն է, իսկ Հյուսիսային Աֆրիկայի և Արևմտյան Ասիայի 18 տնտեսությունների շարքում՝ 9-րդը։

Բարելավում է գրանցվել չորս առանցքային ուղղություններով՝ ստեղծագործական արդյունքներ, գիտելիքներ և տեխնոլոգիաներ, ենթակառուցվածքներ և շուկայի զարգացվածություն։