Բյուջեի նախագծում ներառվել է տարեցների ընտանեկան խնամք
Կարդալ
Հասարակություն
Երևանի Կիևյան կամուրջը կրկին բացվել է երթևեկության համար
Աշխատանքներն ավարտվել են ժամկետից երկու շաբաթ շուտ
Aa
Երևանի Կիևյան կամուրջը վերանորոգման աշխատանքների ավարտից հետո կրկին բացվել է ավտոմեքենաների համար։ Քաղաքապետարանից հայտնել են, որ աշխատանքները հաջողվել է ավարտել նախատեսվածից երկու շաբաթ շուտ։
Կամրջի երթևեկելի և հետիոտնային հատվածներն ամբողջությամբ նորոգվել են։ Փոխարինվել են դեֆորմացիոն կարերը և ջրահեռացման համակարգը, իրականացվել է ջրամեկուսացում, լուսավորության մալուխները անցկացվել են գետնի տակով։
Գլխավոր կամարի և հենարանների վնասված հատվածների ամրացումն ու վերականգնումը կշարունակվեն մինչև տարեվերջ՝ առանց երթևեկությունը սահմանափակելու։
1950-ականներին Հրազդանի կիրճի վրա կառուցված Կիևյան կամուրջը քաղաքի կենտրոնը Արաբկիր վարչական շրջանի հետ կապող առանցքային տրանսպորտային հանգույցներից է։
Թարմացվել է: 14 օգոստոսի, 2026 թ., 13:17
