Ֆրեզնոյում ավարտին է մոտենում Մոնթե Մելքոնյանի հուշարձանի տեղադրումը
Կարդալ
Սփյուռք
Բայդենը պաշտոնապես ճանաչել է Հայոց ցեղասպանությունը
Տասնամյակներ ի վեր առաջին անգամ ԱՄՆ նախագահն օգտագործել է «ցեղասպանություն» բառը
Aa
ԱՄՆ նախագահ Ջո Բայդենը Հայոց ցեղասպանության զոհերի հիշատակի օրվա առթիվ իր ուղերձում Օսմանյան կայսրությունում հայերի զանգվածային սպանությունները պաշտոնապես անվանել է ցեղասպանություն։ Այս տերմինն օգտագործած վերջին ամերիկացի նախագահը Ռոնալդ Ռեյգանն էր 1981 թվականին։
«Ամեն տարի այս օրը մենք հիշում ենք բոլոր նրանց կյանքերը, ովքեր զոհվել են օսմանյան դարաշրջանում Հայոց ցեղասպանության ժամանակ, և վերստին հանձնառու ենք դառնում կանխելու նման ոճրագործությունների կրկնությունը», — ասվում է Սպիտակ տան հայտարարության մեջ։
Հայաստանի վարչապետ Նիկոլ Փաշինյանը Բայդենի որոշումն անվանել է հզոր քայլ արդարության ճանապարհին։ ԱՄՆ-ի հայկական կազմակերպությունները, որոնք տասնամյակներ շարունակ հասնում էին ճանաչման, այս օրն անվանել են պատմական։
Թուրքիայի ԱԳՆ-ն հայտարարել է, որ կտրականապես մերժում է հայտարարությունը, և կանչել է ԱՄՆ դեսպանին։ 2019 թվականին ԱՄՆ Կոնգրեսի երկու պալատներն արդեն ընդունել էին Հայոց ցեղասպանության ճանաչման մասին բանաձևեր։
Թարմացվել է: 24 ապրիլի, 2021 թ., 21:53
