Firebird-ը Հրազդանում բացել է տարածաշրջանի ամենամեծ «ԱԲ գործարանը»

Firebird ընկերությունը Հայաստանում պաշտոնապես գործարկել է Nvidia DSX հարթակի վրա հիմնված արհեստական բանականության տարածաշրջանի ամենամեծ գործարանը։ Կենտրոնը գտնվում է Հրազդանում։

Բացման արարողությանը ելույթ են ունեցել վարչապետ Նիկոլ Փաշինյանը, Nvidia-ի հիմնադիր և գործադիր տնօրեն Ջենսեն Հուանգը, Հայաստանում ԱՄՆ ժամանակավոր հավատարմատար Դեյվիդ Ալենը և Ղազախստանի փոխվարչապետ Ժասլան Մադիևը։

Nvidia-ի տվյալներով՝ կենտրոնի առաջին հերթը կառուցվել և շահագործման է հանձնվել վեց ամսից մի փոքր ավելի ժամանակում։ Մինչև 2027 թվականի վերջը Firebird-ը նախատեսում է Հայաստանում տեղադրել Nvidia Blackwell և Rubin ավելի քան 70 հազար արագացուցիչ։

Նախագիծը հայտարարվել էր 2025 թվականի հունիսին՝ մոտ 500 միլիոն դոլարի սկզբնական ներդրումներով։ 2025 թվականի նոյեմբերին ԱՄՆ կառավարությունը հավանություն էր տվել դրա համար չիպերի արտահանմանը։